BAGUIO CITY — Pinalalakas ngayon ng lokal na pamahalaan ang mga hakbang upang matiyak ang kaligtasan, kaayusan at kalusugan ng mga mag-aaral sa Baguio City sa muling pagbubukas ng klase sa ilalim ng three-term calendar system ngayong taon sa mga pampublikong paaralan sa lungsod.

Ayon sa mga officials, kabilang sa proyekto ang paggawa ng palikuran, kaayusan sa mga silid- aralan at maintenance ng mga ito. Isinama rin ang pagtuturo ng tamang paghuhugas ng kamay upang maiwasan ang mga common illnesses tulad ng pananakit ng tiyan, Thypoid at iba pa.

Binigyang diin naman ni Dr. Imelda Degay ng Benguet State University sa ginanap na City Hall hour nitong Miyerkules, Hunyo 10 na dapat ay magkaroon ng assessment ang mga vendors ng mga pagkain na binebenta at kinokonsumo sa mga kainan sa loob ng paaralan. Dinagdag din niya na dapat ay bantayan din ang intake ng mga pagkaing matataas sa Cholesterol gaya ng manok at baboy. Katulungan din dapat sa nasabing assessment ang School Health and Nutrition Unit ng bawat paaralan.

Sa kabilang banda, sa usapang seguridad, ayon kay PCOL. Ruel Tagel, BCPO Director ng Baguio City, pinaigting naman nila ang presensiya ng kanilang unit o police visibility sa mga paaralan para sa kaligtasan ng mga mag-aaral. Kabilang sa kanilang hakbang upang masiguro ang kapakanan ng mga mag-aaral ang pag babantay sa trapiko at iba pa. Sabi ng lider ng PNP, inabisuhan niya ang kanyang mga tauhan na ang police visibility ay hindi lamang nasa lugar mismo ngunit dapat ay mayroong engagement sa komunidad.

Dagdag pa ng opisyal, pinalalakas din nila ang kanilang presenya upang solusyunan ang isyu patungkol sa mga kabataan na nasasangkot sa gang recruitment. Ayon sa kawani, mayroong mga batas kaugnay dito tulad ng Anti-Gang ordinance o ang Ordinance No. 99 Series of 2021 sa lungsod upang mabigyan ng sapat na kaalaman tungkol sa tamang pag-iiwas sa mga nasabing aktibidad.

Patuloy naman ang kanilang pakikipag- ugnayan sa ibang ahensiya upang tugunan ang iba pang suliranin na maaring kaharapin ng mga mag-aaral ngayong school year 2025-2026. via Darwin A. Roxas, TSU-BaComm intern.